გრეტა გარბოს დიეტა

 

 თითქმის ასი წლის წინათ ცნობილმა ამერიკელმა დიეტოლოგმა გეილორდ ჰაუზერმა კინომშვენება გრეტა გარბოსთვის  ერთკვირიანი გამწმენდი დიეტა შექმნა, რომელიც დღესაც ერთ-ერთ საუკეთესოდ არის მიჩნეული. გრეტა გარბო ჰაუზერის დიეტას იცავდა ერთი კვირის განმავლობაში, წელიწადში ორჯერ: აღდგომის დღესასწაულის წინ და შემოდგომის ბოლოს. გარბო გარდაიცვალა 1990 წელს 85 წლის ასაკში. 

 დიეტას საფუძვლად უდევს ე.წ. ჰაუზერის სასმელი, რომლის სახლის პირობებში მომზადება რთული არაა. 

 

დაგჭირდებათ: 
• ერთი ჭიქა (200-250მლ) დაქუცმაცებული სალათის ნიახური ფოთლებიან- ფესვებიანად,
• ერთი ჭიქა გახეხილი სტაფილო,
• ერთი ჭიქა დაქუცმაცებული ისპანახი,
• ერთი სუფრის კოვზი წვრილად დაჭრილი ან გატარებული ოხრახუში.  

 მთელ ამ ბოსტნეულს დაასხით ერთი ლიტრა წყალი, დაახურეთ თავზე, მიიყვანეთ ადუღებამდე და მოხარშეთ დაბალ ცეცხლზე 25 წუთი. ამის შემდეგ ნახარშს დაასხით ერთი ჭიქა ახლადგამოწურული პომიდვრის წვენი, ერთი ჩაის კოვზი თაფლი და ერთი ჩაის კოვზი მარილი, შენელებული ხმელი კამით და სხვა ნებისმიერი თქვენი საყვარელი სუნელითა და სანელებლით. ყველაფერი კარგად აურიეთ და კიდევ რამდენიმე წუთი გააჩერეთ ცეცხლზე – ჰაუზერის სასმელი მზად არის.  

  დიეტის პირველი დღე:

საუზმე: ერთი ჭიქა ფორთოხლის ან გრეიფრუტის წვენი (სასურველია ახალგამოწურული).
• ერთი ჭიქა ჩაი, დაყენებული პიტნით ან მარწყვის ფოთლებითა და ერთი ჩ/კ. თაფლით. 
• თუ ვერ ძლებთ კოფეინის გარეშე _ ერთი ფინჯანი ყავა უშაქროდ. 


სამხარი:
ამოირჩიეთ ერთ-ერთი:
• ახალი ხილი, ბანანების გარდა (200გრ.) ან ახალგამოწურული წვენები (1 ჭიქა).
• ახალი უმი ბოსტნეული (სეზონის მიხედვით) ან მათგან ახალგამოწურული წვენები (1 ჭიქა)
• თანაბარი რაოდენობით შერეული პომიდვრის წვენი და კომბოსტოს წნილის წვენი (1 ჭიქა).
• ერთი ჭიქა რძემჟრალი (თბილი მაწონი) ან სხვა რომელიმე რძემჟავური სასმელი (უცხიმო რძის თხევადი იოგურტი, კეფირი, მაწონი) დანამატების და საღებავების გარეშე. 
• ჰაუზერის ცხელი სასმელი (1 ჭიქა).
• პომიდვრის ცხელი წვენი (1 ჭიქა). 
• პიტნის ან მარწყვის ფოთლების ჩაი ერთი ჩ/კოვზი თაფლით (1 ჭიქა).


სადილი:
• ცხელი ჰაუზერის სასმელი ან ცხელი ახალგამოწურული პომიდვრის წვენი (1 ჭიქა).
• ბოსტნეულის სალათა ერთი კიტრის, ერთი მწვანე ბულგარულისა და რამდენიმე სალათის ფოთლისგან, შენელებული მაწვნით  ან იოგურტით დანამატების (მათ შორის შაქრის) და საღებავების გარეშე. 
•  რაიმე ცხელი შეარჩიეთ სამხრიდან (1 ჭიქა). 
მეორე სადილი (ე.წ. ლანჩი)– როგორც სამხარი.


ვახშამი: -
• ჰაუზერის ცხელი სასმელი (1 ჭიქა).
• ორთქლზე მომზადებული ისპანახი ან მწვანილის სხვა სახეობები თავიანი ხახვით.
• ერთი ჭიქა  მაწონი ან ნებისმიერი სხვა რძემჟავური სასმელი.
• რაიმე ცხელი სამხრიდან. 
ძილის წინ – როგორც სამხარი

 დიეტის მეორე დღე:

საუზმე და  სამხარი:
როგორც პირველ დღეს.


სადილი:
• ჰაუზერის ცხელი სასმელი ერთი ჭიქა ან ცხელი პომიდვრის წვენი. 
• ერთი ჭიქა მაწონი ან ნებისმიერი სხვა რძემჟავური სასმელი.
• ანანასის სალათი სტაფილოთი და ქიშმიშით (სტანდარტული ულუფა)
• რაიმე ცხელი სამხარიდან.

მეორე სადილი – როგორც სამხარი


ვახშამი:
• ერთი ჭიქა ჰაუზერის ცხელი სასმელი.
• ორთქლზე მოხარშული ყვავილოვანი კომბსტო.
• ნიახურის და მწვანე ბულგარულის სალათა  იოგურტით ან მაწვნით შეზავებული.  
• ახალი ან მოშუშული გრეიფრუტი. 
• რაიმე ცხელი სამხარიდან.
ძილის წინ – როგორც სამხარი


 დიეტის მესამე დღე:
საუზმე და  სამხარი:
როგორც პირველ დღეს.

სადილი:
• ერთი ჭიქა ჰაუზერის ცხელი სასმელი ან ცხელი პომიდვრის წვენი.
• ერთი ჭიქა მაწონი ან ნებისმიერი რძემჟავური სასმელი. 
• თეთრი თავი კომბოსტოს სალათა ანანასით, შეზავებული მაწვნით ან იოგურტით. 
• რაიმე ცხელი სამხრიდან.
მეორე სადილი – როგორც სამხარი.


ვახშამი:
• ერთი ჭიქა ცხელი ჰაუზერის სასმელი.
• ორი მომცრო შემწვარი ბადრიჯანი ან დაახლოებით იმდენივე მოშუშული ყაბაყი.
• ახალი კიტრის სალათა. 
• ერთი ჭიქა მაწონი ან ნებისმიერი სხვა რძემჟავური სასმელი. 
• ახალი ან მოშუშული ხილი. 
• რაიმე ცხელი სამხრიდან. 
ძილის წინ – როგორც სამხარი.

 დიეტის მეოთხე დღე:
საუზმე და  სამხარი:
როგორც პირველ დღეს.


სადილი:
• ერთი ჭიქა ცხელი ჰაუზერის სასმელი ან ცხელი პომიდვრის წვენი.
• ვაშლის, ფორთოხლისა და ნიახურის სალათა შეზავებული ფორთოხლის წვენითა და იოგურტით.
• ერთი ჭიქა მაწონი ან ნებისმიერი სხვა რძემჟავური სასმელი.  
• რაიმე ცხელი სამხრიდან.
მეორე სადილი – როგორც სამხარი.


ვახშამი:
• ერთი ჭიქა ცხელი ჰაუზერის სასმელი. 
• ბოსტნეულის სალათა სალათის ნიახურით, ახალი ხახვით, წვრილად დაჭრილი სტაფილოთი და იოგურტით.
• მოშუშული პომიდვრები. 
• ერთი ჭიქა მაწონი ან სხვა რძემჟავური სასმელი.
• ხილი ან კენკრა წელიწადის დროის მიხედვით. 
• რაიმე ცხელი სამხრიდან.
ძილის წინ – როგორც სამხარი.


 დიეტის მეხუთე დღე:
საუზმე და  სამხარი:
როგორც პირველ დღეს.


სადილი:
• ერთი ჭიქა ცხელი ჰაუზერის სასმელი ან ცხელი პომიდვრის წვენი. 
• ნებისმიერი ხილის სალათა.
• ერთი ჭიქა მაწონი ან ნებისმიერი სხვა რძემჟავური სასმელი. 
• რამე ცხელი სამხრიდან.
მეორე სადილი – როგორც სამხარი.
 ვნახიდ რა გამოვა

ვახშამი:
• ერთი ჭიქა ცხელი ჰაუზერის სასმელი.
• ბოსტნეულის წვნიანი თანაბარი ოდენობით აღებული: სასალათე ნიახურის, თავიანი ხახვისა და, თუ არის საშუალება, ახალი ლობიოს ნაზარდებით, შეზავებული ნატურალური სოიის სოუსით.
• პომიდვრის სალათა.
• ერთი ჭიქა მაწონი ან სხვა რძემჟავური სასმელი. 
• ატამი ან ნებისმიერი სხვა ხილი. 
• რაიმე ცხელი სამხრიდან.


წარმატებები  ვნახოთ რა გამოვა გაგვიაზიარეთ შემდეგ თქვენი შთაბეჭდილებები!